قصيدة مؤثرة ومحزنة

.قصيدة مؤثرة

يمه......
تكفين إسمعيني..
يمه بسألك شئ
جاااوبيني..
هوصحيح اللي مات
داخل القبر يصير حي ..؟؟
..... يمه......
أسمع أنا صوتك ..
كل يوم أسمعه..
وإذا أحاكيك هاوشوني ..
قالولي إنسي...
يالله روحي إلعبي...
يمه تعالي ارجعي ..
والله خلاص بسمع كلامك ..
مأخرب ألعابي...
وإن قلتي يالله روحي نامي ..
أروح حتى ماتزعلي...
يمه تكفين ارجعي ..
اليوم حطت لي المديرة..
نجمة من فوق جبهتي..
سمعتها تقول....
مسكينة هالبنت صارت يتيمة...
قالت لها أبلة منيرة...
مسكينة توها صغيرة...
وش كانو يقصدون...؟؟
يمكن عشاني صرت عاقلة...
ولا عشاني دايم اسرح...؟؟
يمه مريولي توسخ.....
ماكان قصدي اوسخه...
بس تذكرت انك تقولي ..
بعد شهرييين.....
بشتري لك لبس ثاني..
يمه تعالي اشتري...
يمه عرفتي مها...؟؟؟
صديقتي اللي معي...
زاعلتني..
تقول صرت مااضحكها ..
راحت تدور غيري....
عشان تلقى أحد يونسها ...
.. يمه ..
يالله خلاص لا تمزحي...
يالله قومي ....
تعالي معي للبيت ارجعي...
.... يمه ...
يمممه نسيت شئ ..
بقولك ترى بيتنا صار فاضي...
وكل اللي فيه أنا وأخواني ...
ليه وين أقاربنا ..؟؟
وين خالتي..؟؟
اللي كانت تجينا..
يممه قومي يالله تعالي
تكفين يالله تعالي...
ماودي ارجع لحالي ..
والله خايفة ..
ترى أمس جيتك..
مارديتي...
حسبتك نايمة...
أوأقولك ...
خلاص خلاص ..
أنا بجيك بكرة ..
إذاراحو الناس من هنا ...
تكفين يمة بكرة اصحي..
تكفين يمه ارجعي....

منقول

يسلمو اخت *مؤمنة* والله قصيدة محححححححححححححححححححححححححححزن جدددددددددددددددددددددا تبكي القلب و تدميه بصراحة

و الله أختي ** مسلمة ** مشكورة على مرورك الحلو

يا الله مؤثرة بجد ربنا يخليكي يا اختي

شكرا جزيلا أخيتي على مرورك الطيب

» قصيدة عبد الحميد ابن باديس في شعب الجزائر